《齊齊畫出關愛：社區手工藝術 x 肝炎防治推廣日》✏️🎨

尋日我哋舖頭好開心被【香港肝壽基金會】邀請，參加咗一個提升公眾對肝炎防治意識嘅活動，喺樂富廣場設置咗免費手工藝術攤位。當日我哋用紙同筆，帶住一班老人家同小朋友一齊畫畫，大家都玩得好投入！👵👦✏️🎨

現場氣氛超熱鬧，啲街坊一見到我哋攤位就走過嚟參加，細路仔畫得好開心，公公婆婆都好有興趣，一齊發揮創意。大家邊畫邊傾偈，現場笑聲滿載。畫完之後，小朋友即刻拎住自己嘅作品show俾屋企人，婆婆爺爺都話畫畫好紓壓又好玩！❤️👐

呢個活動真係好有意義，唔止令長者同小朋友齊齊享受手工藝術樂趣，仲可以增進大家感情，大家一齊關注健康、傳播正能量。我哋都感受到社區入面滿滿嘅愛心同溫暖，好感恩可以參與其中，一齊推廣肝炎防治意識！🎉🌈

【香港肝壽基金會】一直致力推動肝臟健康同疾病防治，定期舉辦檢測、健康講座同社區活動。有興趣了解更多，可以上佢哋網站：https://www.liverfound.org.hk 或致電 2890 1333！